Работилница за Задоцнет говорно-јазичен развој

На наше големо задоволство, оваа сабота, на 24 јули 2021 година, се одржа ,,Работилница за Задоцнет говорно-јазичен развој'.

Работилницaта беше во организација на Фондација Митра Толупова и ГАСПАР - центар за психичко здравје, а истата се одржа во просториите на ГАСПАР центар. Како би ги испочитувале сите превентивни мерки за корона вирусот, сите учесници ги поделивме во три групи по 4 учесника, со што одржавме три работилници за Задоцнет говорно-јазичен развој.

Задоцнувањата во говорно - јазичниот развој кај децата се се почеста состојба, која бара рана дијагностика, рана превенција и ран третман. Не е доволно само јавно да се говори за проблемот, туку и за тоа каков е третманот и превенцијата, односно решението на проблемот. За таа цел, на работилницата ги обработивме следните теми:

● Зошто децата доцнат во говорно - јазичниот развој?
● Какви видови развојни нарушувања на говорот и јазикот постојат?
● Кога е време да се побара стручна помош и каде истата да се побара?
● Дијагностика и третман на говорно- јазичните нарушувања
● Превенција на говорно- јазичните нарушувања
● Приказ на случаеви на лица со задоцнет говорно-јазичен развој
● Психолошки профил и нарушувања кај децата со говорно-јазични нарушувања
● Психолошка поддршка на семејствата каде има дете со говорно-јазични нарушувања.

Водачи на работилниците беа:
✔️ мр. Фики Гаспар, психолог
✔️ спец.кл.лог. Бојан Богдановски, клинички логопед - специјалист

👉 Работилницата беше наменета за родители на деца со задоцнување во говорно-јазичниот развој, студенти по логопедија, дефектологија, психологија, како и за сите оние кои сакаат да слушнат и научат нешто повеќе на оваа тема.

👉 На наше големо задоволство сите присутни беа вклучени во дискусиите, што ни потврди дека интересот за задоцнувањата во говорно-јазичниот развој е навистина голем.

👉 По завршувањето на работилниците сите присутни добија материјали од работилницата и Благодарница за учество, а потоа имаше и мал коктел.

👉 По завршување на работилницата секој присутен, со предност на родителите, имаше можност за бесплатна консултација со логопед и психолог.

Ви благодариме за интересот и присуството! За цел си даваме во иднина да организираме што повеќе и што подобри работилници, како би биле најголема поддршка за родителите на деца со развојни потешкотии, а со колегите би оствариле размена на знаења.

Да ја издигнеме логопедијата во нашата земја на највисоко ниво!