SLP.Bojan - Третман на артикулациски и фонолошки нарушувања

Почитувани,

Ви го претставувам мојот нов стручен труд ,,ТРЕТМАН НА АРТИКУЛАЦИСКИ И ФОНОЛОШКИ НАРУШУВАЊА", кој низ речиси 500 страни претставува пишана пракса за третирање на артикулациските и фонолошките нарушувања.

Трудот во себе содржи ДВА ТЕСТА на македонски јазик од кои:

- Тест за процена на артикулацијата на гласовите (Богдановски Б.)

- Тест за процена на фонолошката способност (Богдановски Б)

Трудот е наменет за логопеди, дефектолози, психолози, педијатри, студенти и родители на деца со артикулациски и фонолошки нарушувања.

Изразувам огромна благодарност до помагателите на проектот:

- Музеј на град Скопје
и
- Зоран Јакимовски со најпрофесионалното друштво за сервис и услуги - Хелиум Нова Сервис

Изразувам голема благодарност до рецензентите:

м-р д-р спец. Олга Јотовска

доц д-р Весна Лазаровска

спец. Викторија Сиљаноска

Изразувам благодарност до лекторот Гордана Ололовска

Голема благодарност изразувам до Студентски Сервис ФЗФ и Никола Бошковски и FLAFI Design за крајниот изглед на овој труд.

Време е артикулациските и фонолошките нарушувања да бидат лесно надминлива пречка.

Со почит,
Бојан

Comments

Развој на изговорот на гласовите

И склучително важно е децата уште од најрана возраст, уште во прелингвалниот период, да се стимулираат на тој начин што родителите ќе им пеат со сопствениот глас песнички со најразлична мелодија и интонација на мајчин јазик, ќе им зборуваат чисто и правилно како да зборуваат со возрасен човек додека остваруваат контакт со очи, ќе ги запознаваат со најразлични звуци од околината, нема да зборуваат на т.н. ,,бебешки” јазик со децата, нема да ги изложуваат своите деца на модерна технологија, што е исклучително штетно за нивниот целокупен развој. Кај секој поединец уште во најраната возраст постои природна предиспозиција за усвојување на говорот и јазикот, освен ако не станува збор за некое развојно нарушување кое го запира развојот на аудитивната перцепција и дискриминација, односно го запира и/или оштетува говорно - јазичниот развој. Доколку постои адекватен развој, се очекува редоследно детето: 1. Преку плачот да биде стимулирано да ги усвои самогласките. Да го перцепир...

Кога треба да се посомневаме во развојот на нашето дете?

Секој млад родител, особено во ова време, стравува за тоа дали неговото дете се развива добро. Честопати родителите прво се консултираат со нивните пријатели или роднини, за тоа дали е се во ред со нивното дете, и дали треба да побараат стручна помош или нема потреба од истото. Во овој текст, зборуваме за нарушувања и потешкотии кои укажуваат на тоа дека нешто не е во ред во развојот на детето и постои потреба од преглед од стручно лице. Тука се вбројуваат: Неорганизираност и нарушување на моториката Хипотонија, пареза, парализа, недостаток на рамнотежа, потешкотии во одењето, трчањето и скокањето, потешкотии во латерализацијата, недостаток на визио-моторна координација (координација око-рака), неорганизираност на моториката на прстите, потешкотии во моториката во мирување, норганизирана координација на горните, долните или на горните и на долните екстремитети, потешкотии во изведувањето на налози, неорганизираност на мускулатурата на лицето, неправилно држење на моливот, друго. Н...

Фази на типичен развој

Иако секое дете има свој индивидуален развој, кој може во одредена мера временски да биде поразличен од развојот на друго дете, сепак се водиме според фазите на типичниот развој, каде секое отстапување од истите треба да биде разгледано и проценето од страна на стручно лице. 0 - 3 месеци При кревање на детето во раце тоа успева самостојно да ја држи исправено својата глава, успева да ја подигне својата глава додека лежи на стомак, се обидува да го подигне својот труп во лежечка положба на стомак, така што се потпира на подлактиците, додека лежи на грб симетрично ги движи нозете и во истите гледа, може да ги доближи рацете една до друга, започнува да го развива фатот, односно ја отвора и затвора дланката, може да фати бебешка играчка со раката, но за истата да покаже краток интерес, односно брзо да ја фрли, остварува контакт со очи, со поглед ги следи движењата во негова близина, реагира на звуците од блиската околина, ги продуцира вокалите, покажува променлива интонација за време на пл...

SLP. Bojan

Search This Blog