Ламбдацизам

Претставува артикулациско нарушување кои ги засега гласовите л и љ. Претставник на оваа група, односно глас по кој е познат овој вид на артикулациско нарушување, е гласот л. Ламбдацизмот може да се јави како:

Интердентален ламбдацизам - се манифестира така што при изговорот на гласовите јазикот излегува од усната празнина, се поставува меѓу предните заби - секачи и е видлив, наместо да биде поставен на алвеолите, зад горните предни заби - секачи.

Унилатерален ламбдацизам - се манифестира така што при изговорот на гласовите само еднострано јазикот се поставува на алвеолите, поради што воздушната струја минува еднострано. Поради јачината на продорот на воздушната струја, изговорот може да биде пропратен со исфрлање плунка.

Од она што го гледаме во секојдневната пракса, во однос на тоа како настанува и како се изговара гласот л, можеме да додадеме дополнителна класификација на:

Лабијален ламбдацизам - се манифестира така што јазикот не се поставува на алвеолите, туку мирно лежи зад долните предни заби - секачи, а усните се истураат и заокружуваат кон напред, па така се добива гласот W.

Палатинален ламбдацизам - се манифестира така што јазикот со врвот и предниот дел се свиткува кон назад и допира на тврдото непце, зад алвеолите, па се добива л кое звучи на руското л.

Обезвучен ламбдацизам - се манифестира кај пациенти со краток frenulum linguae, при што јазикот не може да оствари алвеоларен контакт при изговор на гласот л, односно палатинален контакт при изговор на гласот љ, па се добива глас кој звучи на полувокалот њ.

Контакт:
e-mail: slp.bojan@gmail.com
Instagram: @slp.bojan

Comments

Кога треба да се посомневаме во развојот на нашето дете?

Секој млад родител, особено во ова време, стравува за тоа дали неговото дете се развива добро. Честопати родителите прво се консултираат со нивните пријатели или роднини, за тоа дали е се во ред со нивното дете, и дали треба да побараат стручна помош или нема потреба од истото. Во овој текст, зборуваме за нарушувања и потешкотии кои укажуваат на тоа дека нешто не е во ред во развојот на детето и постои потреба од преглед од стручно лице. Тука се вбројуваат: Неорганизираност и нарушување на моториката Хипотонија, пареза, парализа, недостаток на рамнотежа, потешкотии во одењето, трчањето и скокањето, потешкотии во латерализацијата, недостаток на визио-моторна координација (координација око-рака), неорганизираност на моториката на прстите, потешкотии во моториката во мирување, норганизирана координација на горните, долните или на горните и на долните екстремитети, потешкотии во изведувањето на налози, неорганизираност на мускулатурата на лицето, неправилно држење на моливот, друго. Н...

Развој на изговорот на гласовите

И склучително важно е децата уште од најрана возраст, уште во прелингвалниот период, да се стимулираат на тој начин што родителите ќе им пеат со сопствениот глас песнички со најразлична мелодија и интонација на мајчин јазик, ќе им зборуваат чисто и правилно како да зборуваат со возрасен човек додека остваруваат контакт со очи, ќе ги запознаваат со најразлични звуци од околината, нема да зборуваат на т.н. ,,бебешки” јазик со децата, нема да ги изложуваат своите деца на модерна технологија, што е исклучително штетно за нивниот целокупен развој. Кај секој поединец уште во најраната возраст постои природна предиспозиција за усвојување на говорот и јазикот, освен ако не станува збор за некое развојно нарушување кое го запира развојот на аудитивната перцепција и дискриминација, односно го запира и/или оштетува говорно - јазичниот развој. Доколку постои адекватен развој, се очекува редоследно детето: 1. Преку плачот да биде стимулирано да ги усвои самогласките. Да го перцепир...

SLP.Bojan & Рита Синани Хаљими - ЦЕРЕБРАЛНА ПАРАЛИЗА (Текст+Видео)

Церебралната парализа се однесува на група на невролошки нарушувања кои се појавуваат во раното детство и трајно влијаат на движењето на телото и координацијата на мускулитe (NIH). Церебралната парализа e проблем со кој се борат над 17 милиони луѓе во светот. Ова заболување настанува поради повреда на мозокот до која може да дојде во текот на бременоста, породувањето или во неонаталниот период. Меѓутоа, во најголемиот број случаи, причината е непозната , односно идиопатска . Повредата на мозокот, која поради некоја причина се случила, негативно влијае на движењето на мускулите и телото кај децата. Најчесто оваа состојба е пропратена со други здравствен и проблеми, како што с е : нарушувања на вербалната и невербалната комуникација , нарушувања на видот и слухот, интелектуална попреченост, епилепсија, тешкотии во учењето, друго. ПРИЧИНИ Причините кои доведуваат до појава на церебрална парализа предизвикуваат оштетување на развојот на мозокот, а истите може да влијаат во теко...

SLP. Bojan

Search This Blog